Virusi futet në Eurovision

Pjesëmarrësi i Islandës në festivalin e Eurovision të këtij viti nuk do të interpretojë në skenë, për shkak se një anëtar i grupit të tij rezultoi i infektuar me koronavirus. Daoi og Gagnamagnio do të qëndrojë në garë por nuk do të interpretojë drejtpërdrejt në mbrëmjen e kësaj të mërkure, në gjysmëfinalen e së enjtes ose në finalen e Festivalit të së Shtunës.


Në vend të kësaj do të përdoren pamjet e regjistruara gjatë një prove të fundit.

Këngëtari kryesor Daoi Freyr tha se përgjigjja e testit ishte një “befasi e madhe” për të. Megjithatë ai shkruan në rrjetet sociale:

“Ne jemi shumë të kënaqur me performancën [e regjistruar] dhe jemi super të entuziazmuar për të gjithë ju që do e shihni”

Organizatorët e Eurovision njoftuan gjithashtu në një deklaratë:

“Në bashkëpunim të ngushtë me EBU, grupi Daoi og Gagnamagnio ka marrë vendimin e vështirë për t’u tërhequr nga shfaqja live e këtij viti të Eurovision Song”.

Shqipëria në Eurovision përfaqësohet nga këngëtarja Anxhela Peristeri.