Ende nuk dihet nëse Marco Assensio do të largohet nga skuadra e Real Madridit, megjithatë mediat në Spanjë raportojnë se ai po shkon drejt fundit të aventurës në Bernabeu, shkruan Reporteri.net.

E, për Assension duket se edhe skuadra e Arsenalit iu është futur garës, për të përmendur kështu edhe Tottenham nga Premier Liga, të cilët tentojnë të sigurojnë shërbimet e lojtarit spanjoll.

Megjithatë, Assensio ende mbetet në Real Madrid për momentin, por Calciomercato pretendon se sulmuesit spanjoll i është ofruar një kontratë e re në Santiago Bernabeu.

Vlen të përmendet se për Carlo Ancelottin lojtari spanjoll është shumë i rëndësishëm, për të cilin tha ditë më parë se është një lojtar me cilësi të jashtëzakonshme dhe se është vërejtur qartazi se Ancelotti me inkuadrimin e tij në ndeshjet e fundit të Los Blancos mund të jetë një paralajmërim se ata nuk do të “lëshojnë” yllin e tyre në verë.