Drejtuesit e Arsenalit janë duke punuar për një marrëveshje të mundshme për sulmuesin e Manchester Cityt, Gabriel Jesus, sipas The Athletic, përcjell Reporteri.net.

Dy klubet nuk kanë folur ende drejtpërdrejt, por drejtori teknik i Topçinjve, Edu ka negociuar kushtet me përfaqësuesit e sulmuesit brazilian gjatë muajve të fundit.

Jesus është i hapur për t’u bashkuar me Arsenalin për shkak të mungesës së minutave të rregullta nën drejtimin e Pep Guardiolës në Etihad Stadium.

Vlen të përmendet se Jesus ka shënuar katër gola sot ndaj Watfordit, në fitoren e thellë të City me rezultat përfundimtar 5-1.

Ndërkaq, edhe skuadra e Arsenalit ka triumfuar ndaj Manchester United me rezultat përfundimtar 3-1.