Reali e shkatërron Leganesin – Ramos feston me shqiponjë

Real Madridi e ka mposhtur Leganesin me rezultat bindës 5-0 në kuadër të javës së 11-të në La Liga.


Pas vetëm shtatë minutash lojë në Santiago Bernabeu, Rodrygo Goes i kaloi madrilenët në epërsi, pas një asistimi nga Karim Benzema.

Një minutë kaloi nga goli i parë dhe Toni Kroos (8’) e dyfishoi epërsinë e që sulmuesi francez ishte përsëri asistuesi.

Real Madrid vs Leganes (Foto: Gonzalo Arroyo Moreno/Getty Images/Guliver)

Në minutën e 24-të, Los Bancos fituan një penallti të cilën në gol e konvertoi Sergio Ramos, për të shkuar në pushimin e pjesës së parë me tri gola epërsi.

Pjesa e dytë kishte një ritëm më të ngadaltë, mirëpo madrilenët arritën ta shënonin edhe golin e katërt.

Real Madrid vs Leganes (Foto: Gonzalo Arroyo Moreno/Getty Images/Guliver)

Karim Benzema e ndryshoi rolin e tij nga një asistues, në golashënues, pasi realizoi nga pika e bardhë në minutën e 69-të, shkruan Telegrafi.

Kur u menduar se ndeshja po përfundonte me këtë rezultat, Luka Jovic (90’+1) shënoi golin e pestë nga asistimi i Dani Carvajal.

Pas javës së 11-të, Real Madridi gjendet në vendin e dytë me 21 pikë, një më pak se Barcelona që është liderë, ndërsa në xhiron e 12-të do të takohen me Betisin.