Kandidatja e LDK-së për kryeministre, Vjosa Osmani, në emisionin “Pressing” është përgjigjur nëse do ta mbante fotografinë e presidentit Hashim Thaçi në zyre, po të zgjidhet kryeministre.

Osmani ka thënë se sipas Ligjit, fotografia e Presidentit të vendit kërkohet të jetë e pranishme të objektin e Qeverisë, por nuk përmendet zyra e Kryeministrit.

Ajo thotë se fotografia mund të vendoset diku në ndërtesë, por assesi në zyrën e saj.

“Absolutisht jo në zyrën time. Nuk ka nevojë me ligj të mbahet. Por unë shpresoj se nuk do ta kemi për shumë gjatë Thaçin, por një president apo presidente tjetër”, është shprehur Osmani.