Kandidati për deputet i AAK-së, Bajram Hasani, ka thënë se Partia Demokratike e Kosovës e di ku është korrupsioni andaj e ka slloganin e zgjedhjeve për luftimin e korrupsionit.

“PDK-së i shkon sllogani me luftu korrupsionin se e dinë ku është, me pasë vullnetin e mirë dhe nuk ka faj kryeministri Haradinaj që thotë se kur po flasin PDK-ja për luftimin e korrupsionit po më doket se është 1 prilli”, ka thënë Hasani.

Në ciklin e #DebatPernime përballë Jeta Xharrës do të jenë kandidatët për deputetë nga partitë dhe koalicionet kryesore.

Kandidatët për deputetë do të ballafaqohen me pyetje nga publiku, ekspertë, analistë e qytetarë të tjerë.

Pjesë e këtij debati do të jenë: Remzi Smajli dhe Valdrin Lluka nga koalicioni Nisma/AKR/PD, Magbule Shkodra dhe Bajram Hasani nga koalicioni AAK/PSD, Besa Gaxherri nga LDK, Hekuran Murati dhe Mentor Hyseni nga VV, Lulzim Rafuna nga PDK, Asllan Kryeziu dhe Kenan Aliu nga PDAK.