Një aksident i rëndë trafiku ka ndodhur sot rreth orës 16:00 në Prishtinë.

Policia e Kosovës ka konfirmuar për Reporterin se në aksident janë përfshirë 5 vetura, ndërkohë që tre persona kanë marrë lëndime trupore.

“Sot rreth orës 16:00 në rrugën Dëshmorët e Kombit në Prishtinë, ka ndodhë një aksident trafiku në mes të 5 automjeteve. Si pasojë e aksidentit lëndime trupore kanë pësuar 3 tre persona. Me rastin po merret njësiti i trafikut”, ka thënë zëdhënësja e Policisë për Rajonin e Prishtinës, Flora Ahmeti.

Ndërkohë, në disa fotografi të dërguara në adresë të Reporterit shihet se në aksident ka qenë e përfshirë edhe një veturë luksoze, e cila me sa duhet po lëvizte në kahun e kundërt në momentin e aksidentimit.

Njësitet e Policisë janë duke u marrë me rastin.