AAK: Lutfi Bilalli ka vite që nuk është në partinë tonë, por në PDK

Pa kategori

AAK: Lutfi Bilalli ka vite që nuk është në partinë tonë, por në PDK

Reporteri

20 Janar 2021 | 15:28

Në medie ditë më parë ka qarkulluar një lajm ku thuhej se Lutfi Billalli i është bashkangjitur Partisë Demokratike të Kosovës, i cili deri vonë ishte pjesë e Aleancës për Ardhmërinë e Kosovës në Vushtrri.

Zëdhënësi i AAK-së Lulëzim Blaka, përmes një postimi në Facebook, e ka demantuar këtë lajm, i cili ka thënë se Lutfi Bilalli ka vite që nuk është në AAK, por në PDK.

“Një lajm, shumë të pavërteta.

Lexo edhe:

Shpallet e pavlefshme diploma e shkollës së mesme

Bogdanoviq: Kriminelët e Vuçiqit po i bëjnë presion serbëve në Kosovë

Edhe sot mot jostabil, diell e rrebeshe shiu

Lutfi Bilalli ka vite që nuk është në AAK, por në PDK.

Nëse PDK synon përmes riciklimit të emrave të vjetër ta rimëkëmb Kosovën, atëherë vaj halli për të gjithë ne”, ka shkruar Blaka.

Këtë lajm e ka bërë të ditur ditë më parë ish-deputetja dhe kandidatja për deputete nga kjo komunë Xhevahire Izmaku.

“Lutfi Bilalli politikani dhe diplomati me përvojë të gjatë në këtë rrugëtim, nga sot bashkon forcat në Partinë Demokratike! Mirëseerdhe mik, vlerë e shtuar për ne!
Na priftë e mbara bashkë”, ka shkruar Izmaku.

Kujtojmë se në zgjedhjet lokale të 2017, Bilalli ka qenë kandidat i AAK-së për kryetar të Vushtrrisë, ndërsa së fundit konsull në Frankurt.