Një incident ka ndodhur para pak minutash në tubimin e Lëvizjes Vetëvendosje në Mitrovicë, që po mbahet në një restaurant ku po thyhen masat anti-COVID. Një qytetar është përplasur me Albin Kurtin, duke e sharë dhe ofenduar dhe duke provuar t’i qërojë hesapet me të, shkruan Gazeta Online Reporteri.net.
Burime të Klan Kosovës thonë se pas këtij incidenti ka ndërhyrë edhe kryetari i Mitrovicës, Agim Bahtiri i cili i është sulur qytetarit që të përleshet edhe fizikisht me të.
Gazeta ka siguruar një moment të incidentit që ndodhi në këtë tubim, e ku shihet qytetari teksa konfrontohet me aktivistë të VV-së, pasi nuk i është dhënë fjala.
E sigurimi dhe aktivistë të tjera kanë intervenuar, duke e nxjerru jashtë dhe duke e sharë qytetarin që po e shante Kurtin.
Siç shihet nga pamjet, incidenti ka zgjatur disa minuta, ndërkohë që kanë ndërhyrë edhe Policia e Kosovë.
