Një 32-vjeçar nga Prishtina është ndaluar në kufi nga Policia e Shqipërisë për mosdeklarim të 20.000 paundëve.
Sipas njoftimit, shërbimet e Policisë Kufitare në Morinë në hyrje të Shqipërisë, kanë kaluar në vijën e dytë, për kontroll më të detajuar, automjetin e tipit “Audi”, me drejtues shtetasin A. H.
“Gjatë kontrollit të ushtruar, në kroskotin e automjetit së shtetasit A. H., shërbimet e Policisë gjetën dhe sekuestruan 20 000 paund, të padeklaruara nga 32-vjeçari, sipas përcaktimeve ligjore në fuqi. Në përfundim të veprimeve hetimore, specialistët e Seksionit për Hetimin e Krimeve Ekonomike e Financiare të DVP Kukës referuan materialet në Prokurori dhe nisi procedimi në gjendje të lirë për shtetasin A. H., 32 vjeç, banues në Prishtinë, për veprën penale ‘Mosdeklarimi në kufi i të hollave dhe i sendeve me vlerë’”, thuhet në njoftim.
