Një ngjarje e rëndë ka ndodhur gjatë ditës së djeshme në Lagjen e Spitalit në Prishtinë, ku si pasojë e të shtënave me armë zjarri, u plagosën katër persona, dy prej të cilëve më pas ndërruan jetë.

Mefail Rafuna, është njëri nga personat që vdiq si pasojë e shkëmbimit me armë. Varrimi i tij do të bëhet nesër, në ora 13:00, në varrezat e qytetit në Prishtinë, shkruan Reporteri.net.

Lajmin për varrimin e tij e kanë bërë të ditur familjarë të tij në rrjete sociale.

“Ju njoftojme se varrimi i më të dashurit tonë, axhës, vëllait Mefail Rafunës, bëhet nesër (e shtunë) në orën 13, në varrezat e qytetit në Prishtinë”, ka shkruat Kastriot Rafuna në Facebook.

Kujtojmë se dy të plagosurit tjerë vazhdojnë të jenë në gjendje të rëndë shëndetësore. /Reporteri.net

https://www.facebook.com/kastriotrafuna/posts/10156892862169633