Reshjet e borës që nisën gjatë ditës së sotme dhe po vazhdojnë akoma kanë krijuar shtresë dëbore në kryeqytet.

Sipas Prishtina Weather, trashësia e dëborës në Prishtinë ka arritur deri në 15 cm.

“Reshjet e borës që filluan të bien gjatë ditës së sotme, në mbrëmje ishin më të dendura duke krijuar shtresë dëbore edhe deri në 15cm në Prishtinë”, ka shkruar Prishtina Weather përmes një postimi në Facebook.

Si pasojë e reshjeve të borës janë shkaktuar aksidente të shumta, kurse kolonë e madhe është në magjistralen Prishtinë-Pejë.