Ndërkohë që pritet që për pak minuta pritet të nisë seanca për votimin e Presidentit, ka arritur në Kuvendin e Kosovës edhe ushtruesi i detyrës së kryetarit të PDK-së, njëherësh deputeti i kësaj partie, Enver Hoxhaj.
“A jeni gati për pjesën e dytë të dramës”, u ka thënë Hoxhaj gazetarëve, derisa është parë duke hyrë në objektin e Kuvendit, shkruan Reporteri.net.
PDK-ja deri më tani qëndrim zyrtarë e ka pasur që nuk do të qëndrojnë në sallë gjatë votimit të presidentit të ri të vendit, e që pretendente kryesore është Vjosa Osmani.
Ndërkohë që para fillimin të seancës së sotme për votimin e presidentit të ri, Ambasadori amerikan në Prishtinë, sikurse edhe ambasadorët tjerë të vendeve mike të Kosovës, kanë përsëritur thirrjet që të gjithë deputetët e Kuvendit të Kosovës të marrin pjesë në votimin e Presidentit të ri të vendit, dhe të mos e bojkotojnë seancën.