Ministria e Jashtme konfirmon arrestimin e ish-pjesëtarit të UÇK-së në Serbi

Jetlir Zyberaj, këshilltar i ministrit Behgjet Pacolli ka konfirmuar se është arrestuar në Serbi kosovari, Marjan Gjokaj nga Gjakova. 


“Po është arrestuar”, ka deklaruar shkurt Zyberaj për Reporteri.net.

Reporteri.net është media e parë që raportoi sonte në mbrëmje për arrestimin e Gjokajt.

Ai ka qenë duke u kthyer në Kosovë dhe ka qenë i shoqëruar nga një person tjetër, në momentin kur është ndaluar dhe arrestuar nga Policia serbe, shkruan Reporteri.net.

Marjan Gjokaj është udhëheqës i një divizioni në Administratën Tatimore të Kosovës në Gjakovë.

Motivet e arrestimit të Gjokajt nga autoritet serbe ende nuk dihen. /Reporteri.net/.

Arrestohet në Serbi një ish-pjesëtar i UÇK-së