Policia e Kosovës ka konfirmuar raportimin e Gazetës Online Reporteri.net për therjen me thikë në Postën e Kosovës, në lagjen Ulpiana, paraditen e së mërkurës.
Zëdhënësja e policisë për rajonin e Prishtinës, Flora Ahmeti ka thënë për Gazetën Online Reporteri.net se një person ka mbetur i lënduar dhe i njëjti ka pranuar tretman mjekësor, ndërsa hetimet lidhur me rastin kanë nisur.
“Sot rreth orës 09 :00, kemi marrë informatën për një lëndim trupor të ndodhur në lagjen Ulpiana në Prishtinë. Bazuar në të dhënat fillestare, në këtë rast nga një mjet i mprehtë dyshohet të jetë lënduar një person i cili është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti i cili është cilësuar si lëndim i rëndë trupor”, tha Ahmeti për Reporteri.net.
Gazeta Online Reporteri.net raportoi se bëhet fjalë për djalin e Sabit Gecit, Kushtrim Gecin i cili ka therur me thikë kolegun brenda zyrës së tij.
Viktima siç mëson Gazeta Online Reporteri.net është Sadri Shala, 46-vjeç, anëtar i Kryesisë së PDK-së.
/Reporteri.net/
Djali i Sabit Gecit ther me thikë kolegun e tij të punës, arratiset
Viktima e therur nga djali i Sabit Gecit është anëtar i Kryesisë së PDK-së në Lipjan
Gazeta Online Reporteri.net ka raportuar sot se Kushtrim Geci, djali i Sabit Gecit e ka therur me thikë kolegun e tij të zyrës, Sadri Shala, anëtarë i Kryesisë së PDK-së në Lipjan.
Ngjarjen e raportuar nga gazeta online Reporteri.net e ka konfirmuar edhe Policia e Kosovës.
“Sot rreth orës 09 :00, kemi marrë informatën për një lëndim trupor të ndodhur në lagjen Ulpiana në Prishtinë. Bazuar në të dhënat fillestare, në këtë rast nga një mjet i mprehtë dyshohet të jetë lënduar një person i cili është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti i cili është cilësuar si lëndim i rëndë trupor”, ka konfirmuar Flora Ahmeti, zëdhënëse e Policisë së Kosovës për Rajonin e Prishtinës.
Kushtrim Geci i cili është në arrati, nuk e ka këtë problemin e vetëm me ligjin. Ai bashkë me vëllanë e tij Albanin janë të njohur për autoritetet e sigurisë në vend, dhe dyshohen se janë të përfshirë në disa vepra penale, nder-vite.
Ata bashkë dyshoheshin se kishin therur me thikë dy aktivistë të Lëvizjes Vetëvendosje, në shtator të vitit 2015. Për therjen e dy aktivistëve të Vetëvendosjes të “Qafa”, Prokuroria e Shtetit atyre u kishte ngritur aktakuzë, shumë muaj pasi kishte ndodhur ngjarja.
Të njëjtit, para shumë vitesh ishin akuzuar edhe për një rast sulm në shtëpinë e ish-presidentit Hashim Thaçi, në kohën kur ai ishte kryeministër. Por, dyshimet për vëllezërit Geci i kishte hedhur poshtë EULEX-i, pak kohë pasi ndaj tyre kishte ngritur aktakuzën.
E një vit më vonë, Kushtrim Geci, po me thikë, kishte kërcënuar një polic derisa ky i fundit po i shqiptonte gjobë për kundërvajtje në trafik, shkruan Reporteri.net.
Me fjalët: “Kujna po ia shkrun t`i q… robt”, i ishte drejtuar Kushtimi policit M.V., derisa ai ishte duke i shqiptuar tiketë për kundërvajtje. E më pas e kishte nxjerrë edhe thikën për ta kërcënuar policin që kishte shpëtuar pa plagë falë kolegut të tij që kishte ndërhyrë duke e arrestuar Gecin.
Por, ky i fundit ishte lëshuar në procedurë të rregullt nga Prokuroria e Shtetit, përkundër se ishte recidivistë.
Kushtrim Geci, përveç për veprimeve kriminale, njihet edhe si i afërt me personazhet e shoëbizz-it në Kosovë. Madje, për të ishte raportuar se kishte qenë edhe në lidhje dashurie me një këngëtare të njohur.
Telashe me drejtësinë, sikur të bijtë, ka pasur edhe vetë Sabit Geci. Ish-komandanti i UÇK-së, në korrik të vitit 2011 ishte dënuar më 15 vjet burgim për krime lufte. Gjykata e Qarkut e Mitrovicës, Gecin e kishte gjetur fajtorë për vrasje dhe keqtrajtime të të burgosurve në Kukës dhe Cahan, gjatë viteve të luftës 1998-1999.
Në shkurt të vitit 2017, Sabit Geci ishte liruar nga burgimi, pas një vendimi të Ministrisë së Drejtësisë që i ndërpreu vuajtjen e dënimit për krime lufte, me arsyetimin se ai vuan nga një sëmundje dhe i duhet trajtimi mjekësor adekuat. /Reporteri.net/.
Një ngjarje e rëndë ndodhi sot në Postën e Kosovës, ku djali i Sabit Geci, Kushtrimi dyshohet se theri me thikë kolegun e zyrës.
Gazeta online Reporteri.net merr vesh se viktima është Sadri Shala (46), anëtarë i Kryesisë së PDK-së në Lipjan.
Siç raportoi pak më herët gazeta online Reporteri.net ngjarja ka ndodhur sot rreth orës nëntë paradite
I dyshuari është arratisur dhe është në kërkim nga Policia.
Rasti është iniciuar si lëndim i rëndë trupor.
Reporteri.net merr vesh se viktima është duke u intervistuar nga Policia e Kosovës.
Kjo është dosja kriminale e djemve problematik të Sabit Gecit
Kushtrim Geci, djali i Sabit Gecit, e ka therur sot paradite në vendin e tij të punës në Postën e Kosovës, kolegun e zyrës.
Burime të Gazetës Online Reporteri.net bëjnë të ditur se i dyshuari është arratisur pas incidentit.
Viktima, 46 vjeç, ka marrë lëndime në dorë dhe është trajtuar në QKUK, raporton gazeta online Reporteri.net.
Rasti është inicuar si lëndim i rëndë trupor.
Reporteri.net merr vesh se viktima është duke u intervistuar nga Policia e Kosovës.
Kushtrim Geci, rreth 30 vjeç, është emër i njohur për organet e rendit.
Kjo është dosja kriminale e djemve problematik të Sabit Gecit
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
