Kreu i Lidhjes Demokratike të Kosovës, Lumir Abdixhiku ka shoqëruar kandidatin e kësaj partie për kryetar të Prishtinës, Përparim Rama në takim me struktura dhe me qytetarë.
Abdixhiku ka ndarë një fotografi në llogarinë e tij në Facebook bashkë me kryetarët e zgjedhur të LDK-së në raundin e parë të zgjedhjeve, Gazmend Muhaxheri e Imri Ahmeti.
“Me Kryetarët, në Dardani të Prishtinës.Sot, së bashku me kryetarët tashmë të zgjedhur, Gazmend Muhaxheri e Imri Ahmeti, shoqëruam kandidatin tonë në Kryeqytet Perparim Rama, në takim me struktura e qytetarë për transformimin e madh dhe të domosdoshëm të Prishtinës.LDK, të gjithë për të gjithë”, ka shkruar Abdixhiku.
Ndryshe kandidati i Lëvizjes Vetëvendosje, Arben Vitia është tallur me deklaratat e premtimet e kundërkandidatit të tij, Përparim Rama për projektin rreth liqenit artificial.
Por, nuk shkoi shumë e Rama iu përgjigj kundërkandidatit të tij, ani pse jo në të njëjtën mënyrë.
E në këtë rast u përkujdes t’i lëshonte thumbat ndaj Vitisë, duke ia rikujtuar një akuzë të mëhershme se ky i fundit ia ka kopjuar projektin për Prishtinën.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.