Ish-kryetari i Gjykatës Kushtetuese Enver Hasani ka folur pas vendimit të Gjykatës Supreme e cila vendosi se Albin Kurti dhe të tjerët nuk mund të kandidojnë për deputetë.

Një vendim i tillë ishte i pritur për Hasanin.

“Ajo është ditë. Nuk është dashtë ndonjë filozofi e madhe për të marrë vesh, ose për të qenë jurist i hollë për të kuptuar se ky do të jetë vendimi”, tha Hasani.

“Ky është njëfarë lloj teatri i absurdit veç në sferën juridike ku shpërbëhet dialogu në mes të fjalës dhe veprimit’, theksoi ai në Rubikon në Klan Kosova.

“Prej asaj që e ka thënë Gjykata Kushtetuese, krejt e pritur është, krejt normale. Do të ishte e çuditshme po të kishte ndodhur ndryshe me të thënë të drejtën”, shtoi Hasani.