Abazi zotohet se do angazhohet që besimin e qytetarëve ta kthejë në përgjegjësi

Pa kategori

Abazi zotohet se do angazhohet që besimin e qytetarëve ta kthejë në përgjegjësi

Reporteri

03 Shkurt 2021 | 14:10

Menduh Abazi, zyrtarisht ka hapur fushatën zgjedhore ku garon bashkë me Partinë Demokratike të Kosovës për të zënë një ulëse në Kuvendin e Kosovës.

Përmes një postimi në rrjetin social Facebook, Abazi ka kërkuar përkrahjen e qytetarëve në rrugëtimin në politikë, shkruan Reporteri.net.

Ai është zotuar se pavarësisht vështirësive, me angazhimin e tij, besimin e qytetarëve do ta kthejë në përgjegjësi.

Lexo edhe:

Shpallet e pavlefshme diploma e shkollës së mesme

Bogdanoviq: Kriminelët e Vuçiqit po i bëjnë presion serbëve në Kosovë

Edhe sot mot jostabil, diell e rrebeshe shiu

Menduh Abazi në listën zgjedhore të PDK-së mban numrin 38.

Ky është postimi i tij i plotë:

Të nderuar qytetarë të Republikës së Kosovës,

Të dashur bashkëqytetarë të Vushtrrisë,

Miq, kolegë dhe familjarë,

Sot, edhe zyrtarisht kemi filluar fushatën zgjedhore për zgjedhjet e jashtëzakonshme parlamentare të cilat do të mbahen më 14 shkurt 2021.

Sot, po filloj edhe zyrtarisht të kërkojë përkrahjen dhe mbështetjen tuaj për Partinë Demokratike të Kosovës, këtu, nga Kalaja e qytetit të lashtë të Vushtrrisë, qytetit të Hasan Prishtinës.

Me besimin dhe mbështetjen tuaj në rrugëtimin tim jetësor e profesional, më keni nderuar përherë. Sot, kërkoj besimin tuaj për një rrugëtim tjetër e me dimensione të tjera.

E di që nuk do të jetë aspak e lehtë, por me përkrahjen tuaj dhe me angazhimin tim, besimin tuaj do ta kthejë në përgjegjësi.

Programi politik i #Rimëkëmbjes mban numrin 134. Ndërsa, unë si kandidat, mbajë numrin 38.

Ju falenderoj nga zemra secilin e secilen për mbështetjen e pakursyer që më keni ofruar këto ditë.

Më 14 shkurt, së bashku festojmë dhe fillojmë #Rimëkëmbjen e Kosovës.

Me konsideratë,

Menduh Abazi /Reporteri.net

Shpërndaje: