Qytetarët e Kosovës që jetojnë jashtë atdheut, janë duke bërë të pa mundur që të marrin pjesë në procesin e votimeve për zgjedhjet e jashtëzakonshme parlamentare.

Përveç interesimit të madh për t’u regjistruar për votim në zgjedhjet e 14 shkurtit, mërgimtarët po paguajnë postën e shpejtë në mënyrë që ta shmangin vonesën e arritjes së fletëvotimit të tyre.

Por, kjo po ju kushton edhe financiarisht.

Një mërgimtar nga gjermania ka ndarë faturën që ka paguar e çmimi arrin rreth 62 euro.

Po ashtu edhe kosovarët me banim në Finlandë, të cilët kanë shfrytëzuar procedura të njëjta të postës së shpejtë, kanë paguar 74 euro për ta sjellë votën e tyre më shpejtë në Kosovë.

E dikush tjetër e ka nisur votën, por jo për në Kosovë. Një mërgimtar nga Anglia ka dërguar votën për në Serbi, shkruan Reporteri.net

Kujtojmë që 175 e 273 mërgimtarë kanë aplikuar për t’u regjistruar si votues e 101 mijë e 839 bashkatdhetarë tanimë e kanë fituar të drejtën që të votojnë në zgjedhjet e jashtëzakonshme të 2021.

Diaspora ka filluar të votojë që nga dje për partitë që ata pëlqejnë.