Me automjetin e ambulancës është larguar nga spitali i Mitrovicës, diplomati rus Mikhail Krasnoschenko, i cili ishte munduar të pengojë aksionin e së martës në veri të Kosovës.

Rusi u shoqërua nga një ekip  i plotë mjekësor gjersa para spitalit po e prisnin tri automjete të OKB-së.

Siç shkruan gazeta serbe Kurir, Krasnoschenko u nis sot drejt Beogradit ku do të marrë trajtimin e mëtutjeshëm mjekësor, transmeton Reporteri.net.

Mikhail Krasnoschenko ishte arrestuar gjatë së hënës nga policia e Kosovës, për t’u liruar më pas. Për arrestimin e tij kishte reaguar menjëherë misioni i UNMIK-ut në Kosovë të cilët kishin kërkuar lirimin e tij të menjëhershëm.

Ndryshe, gjatë ditës së sotme Zëvendësministri i Mbrojtjes në Qeverinë e Republikës së Kosovës, Burim Ramadani, ngriti dyshime se në të kaluarën diplomati rus mund të ketë qenë agjent rus. /Reporteri.net

 danas od srpskog saniteta preuzelo ambulantno vozilo UN.