Haradinaj nëpërmjet një videoje flet për betejat e ardhshme të Kosovës

Pa kategori

Haradinaj nëpërmjet një videoje flet për betejat e ardhshme të Kosovës

Reporteri

02 Shkurt 2021 | 17:06

Kandidati për president nga Aleanca për Ardhmërinë e Kosovës, Ramush Haradinaj, ka publikuar një video në rrjetin social Facebook, ku rrëfehet angazhimi dhe përkushtimi i tij gjatë periudhës së luftës e më tej.

Në video, Haradinaj ka treguar se që në ditët e para ishte pjesë e luftës për lirinë dhe pavarësinë e Kosovës.

“Shumë gjëra kanë ndryshuar në 21 vitet e fundit, por dashuria, angazhimi dhe përkushtimi im për vendin mbetet i njëjtë. E kam parë gjithmonë si detyrë, t’i shërbej Atdheut atje ku mund ta bëj më së miri. Së pari si ushtar, pastaj si Kryeministër dhe tani edhe si President”, ka shkruar Haradinaj krahas videos së publikuar në rrjetin social Facebook.

Lexo edhe:

Shpallet e pavlefshme diploma e shkollës së mesme

Bogdanoviq: Kriminelët e Vuçiqit po i bëjnë presion serbëve në Kosovë

Edhe sot mot jostabil, diell e rrebeshe shiu

Tutje, ai është shprehur se edhe pse Kosova jeton në paqe, beteja e fundit për Kosovën nuk është zhvilluar ende.

“Beteja për njohjen tonë të plotë, për një të ardhme të sigurt dhe të prosperuar për Kosovën dhe brezin tonë të ri, që siguron anëtarësim në NATO, BE dhe OKB, kërkon një President të fortë, që punon për interesat tona shtetërore dhe është i gatshëm të ballafaqohet me Serbinë e Vuçiqit”, ka përfunduar Haradinaj.

Shpërndaje: