Kryetari i Lidhjes Demokratike të Kosovës, Isa Mustafa, ka gjetur personin që sipas tij solli  njohjen e Izraelit. Mustafa ka thënë se ishte kryeministri Avdullah Hoti ai që e arriti njohjen zyrtare të Kosovës nga shteti izraelit.

“Hoti është njëri që na solli njohjen nga Izraeli dhe nënshkroi marrëveshjen e parë në Shtëpinë e Bardhë”, deklaroi Mustafa, shkruan Reporteri.net.

Sipas Mustafës kryeministri në detyrë Hoti është njeri i mençur e i urtë që di t’i zgjidhë problemet e qyttetarëve të Kosovës.

Marrëveshja e Washingtonit u nënshkrua me 4 shtator nga Kryeministri Hoti në Shtëpinë e Bardhë nga ku edhe u sigurua njohja e Izraelit për shtetësinë e Kosovës.

Ndryshe, LDK sot ka hapur fushatën zyrtarisht në qytetin e Podujevës, dikur bastion i saj të cilin e humbi në zgjedhjet e parakohshme lokale.