Kryetari i Komunës së Mitrovicës Jugore, Agim Bahtiri ka marrë kredi prej 450 mijë euro, për siç ka thënë ai, blerjen e një shtëpie banimi, vlera e së cilës është 860 mijë euro.

Në Agjencinë Kundër Korrupsion, Bahtiri ka deklaruar se ka marrë kredi për pagesën e shtëpisë të cilën e ka blerë më 2008, raporton Insajderi.

Përveç shtëpisë së banimit me vlerë gati milionëshe, kryetari i Mitrovicës Jugore ka deklaruar edhe tri shtëpi të tjera dhe një tokë bujqësore, të deklara si pronë të përbashkëta me familjen e tij.

Ai ka deklaruar se mban edhe 10 mijë euro para të gatshme në institucione bankare.