Kryetari i Mitrovicës së Veriut, Milan Radojeviq, ka folur për situatën e tensionuar në veri të Kosovës.

Ai për “Kosovo-Online” ka thënë se serbët janë të përkushtuar për të mbrojtur pozicionet e tyre.

Por, siç thotë ai, serbët duan zgjidhje paqësore dhe liri të lëvizjes.

“Mesazhi ynë është si çdo qytetar që është në këtë vend, ne duam paqe, nuk duam dhunë, nuk duam asnjë provokim. Njerëzit janë të përkushtuar në synimin e tyre për të mbrojtur pozicionet e tyre në këtë fushë”, tha ai.

“Ne duam liri të lëvizjes, e cila është e garantuar për çdo person në Evropë, sepse u mohohet serbëve në Kosovë”, tha ai.

Madje sipas tij, serbët atje po bëjnë protestë paqësore dhe se ata janë këmbëngulës në qëllimin e tyre.

“Ne duam të heqim dekretin e miratuar”, tha ai, duke iu referuar vendimit për reciprocitet nga qeveria e Kosovës për targat.

“Nuk ka logjikë të miratohet një rregullore që hyn në fuqi menjëherë, pa asnjë njoftim, pa debat publik ose opinion publik nëse ajo rregullore është e pranueshme për qytetarët në terren apo jo. Ky është një unanimitet i pastër, dhunim i ligjit dhe drejtësisë dhe mohim i lirisë së lëvizjes ekskluzivisht për një popull,” tha Radojeviç.