Kandidatja për deputete nga radhët PDK-së, Valdete Idrizi, gjatë ditës është takuar me një sportiste të dalluar, kampionen në tenis, Alte Hajrizi.

Valdete Idrizi ka premtuar se PDK-ja me programin për rimëkëmbje do të investojë edhe në sport.

Ajo ka theksuar peshën e madhe që ka diplomacia sportive, prandaj ka thënë se shteti duhet investuar shumë më shumë e jo të iu lënë barrën vetëm familjes.

Postimi i plotë:

Çfarë krenarie me taku kampionen në tenis, ëmbëlsirën Altea Hajrizi, kampione në kategoritë U12 dhe U14, e cila me meritë u shpall spprtiste e vitit 2020 nga Federata e Tenisit në Kosovë, pas rezultateve të mira që arriti në Kosovë dhe jashtë Kosovës, përkundër pandemisë.

Nuk është befasi pasi që Altea është vajza e Veton Hajrizit, një prej sportistëve dhe kontributdhënësve më meritor të sportit në Mitrovicë e në Kosovë! Sa mirë kur e sheh se tradita familjare me kampionë po vazhdon.

Jemi dëshmitarë për peshën që e ka diplomacia sportive, prandaj shteti duhet investuar shumë më shumë e jo të iu lënë barrën vetëm familjes. Talentet si Altea Hajrizi janë asete kombëtare dhe si e tillë duhet të trajtohet!

Ne si Parti Demokratike do ta #rimëkëmbim edhe sportin sepse sportistët janë ambasadorët më të mirë të vendit!