Kryeministri Albin Kurti, nënkryetarja e Kuvendit nga radhët e Vetëvendosjes, Arbërie Nagavci dhe shefi i grupit parlamentar të këtij subjekti politik, Rexhep Selimi, ishte ndër më të zëshmit në seancën e votimit të buxhetit, duke e quajtur gjendjen e jashtëzakonshme për shkak të Coronavirusit. Ndërsa pas propozimit të Presidentit për shpalljen e gjendjes së jashtëzakonshme, kryeministri Kurti dhe VV po e kundërshtojnë këtë.

Në mbështetje të tyre kishte dalë edhe kryeparlamentarja Vjosa Osmani, që po ashtu e kishte quajtur gjendjen të jashtëzakonshme.

Ndërsa, tani, pas votimit të buxhetit, ata që thirreshin në emergjencën e votimit të buxhetit për shkak të gjendjes së jashtëzakonshme të shkaktuar nga Coronavirusi, po e kundërshtojnë shpalljen e gjendjes së jashtëzakonshme me arsyen që nuk është më e tillë.

Siç shihet edhe nga kjo video që po qarkullon në rrjete sociale, Vetëvendosje në Kuvend thotë se gjendja është e jashtëzakonshme, kurse Vetëvendosje në Qeveri po e kundërshton shpalljen e gjendjes së jashtëzakonshme nga ana e presidentit Thaçi.

E gjithë kjo po ndodhë pasi me shpalljen e gjendjes së jashtëzakonshme, kompetencat kryesore për menaxhim të situatës më nuk do t’i ketë Kryeministri, por Presidenti. /Reporteri.net