Abdixhiku: Kur LDK e Llapit dhe llapjanëve ngritet në këmbë s’ka se si të mos kushtrojë fitorja e LDK-së

Gjatë tubimit të sotëm të Lidhjes Demokratike të Kosovës, në Podujevë, kryetari i kësaj partie, Lumir Abdixhiku, në fjalën e tij, tha se kur LDK e Llapit e llapjanëve ngritet në këmbë, s’ka se si të mos kushtrojë fitorja jonë në të gjitha anët e vendit.

Më tej, Abdixhiku, tha se, me 17 tetor llapjanët i dhanë zemër LDK-së dhe shtoi se se llapjanët e kanë zakon e adet që kur Lidhja i thërret ata i përgjigjen me plot vullnet.

“Më 17 tetor, ju u ngritët në këmbë në Llap, e kur LDK e Llapit e llapjanëve ngritet në këmbë, s’ka se si të mos kushtrojë fitorja jonë në të gjitha anët e vendit tonë. Ju na dhatë zemër më 17 tetor. Ju po na jepni zemër edhe për 14 nëntor. Siç e keni zakon e adet, kur Lidhja jonë thërret ju i përgjigjeni me plot vullnet”, ka thënë Abdixhiku.