Presidentja e Kosovës, Vjosa Osmani ka shfrytëzuar të drejtën e votës në zgjedhjet e sot,e lokale.
E shoqëruar nga bashkëshorti dhe vajzat, Osmani u ka bërë thirrje qytetarëve që të dalin sa më masivisht në zgjedhje.
“Ju falënderoj që jeni prezent dhe po e përcillini një proces tejet të rëndësishëm për jetën e qytetarëve tonë. Prandaj, i ftoj të gjithë që në numër sa më të madh, në këtë proces zgjedhor ta dëshmojnë sërish se qytetarët e Kosovës janë ata që mundësojnë dhe mbrojnë çdo proces demokratik”, është shprehur Osmani.
Ndryshe, Në Kosovë janë duke u mbajtur zgjedhjet lokale 2021, ndërsa deri në ora 11:00 pjesëmarrja e qytetarëve në votime është 8,24%.