Nisma nuk u certifikua si parti nga KQZ, por Limaj thotë se do të jenë pjesë e Parlamentit

Pa kategori

Nisma nuk u certifikua si parti nga KQZ, por Limaj thotë se do të jenë pjesë e Parlamentit

Reporteri

24 Janar 2021 | 16:36

Komisioni Qendror i Zgjedhjeve nuk e ka certifikuar si subjekt politik për zgjedhjet e 14 shkurtit Nisman Socialdemokraten, si dhe as lista e deputetëve.

Ndërfaqësuesi i kësaj partie, Eshref Vishi ka thënë se Nisma do të shfrytëzojë mundësinë e ankesës, kreu i këtij subjekti Fatmir Limaj, sot ka mbledhur kandidatët për deputetë, ku ka shprehur bindjen se do të jenë pjesë e legjislaturë së re të Kuvendit.

“Çdo vajzë apo djalë që e ka pas të veshur uniformën e UÇK –së sot ndjenë dhimbje, sepse, fytyra e parë e UÇK-së Jakup Krasniqi është në Hagë. Sepse atje sot janë vet historia jonë, prandaj duhet të ngritemi fuqishëm, në mënyrë që vlerat tona kombëtare t’i mbrojmë me një zë sa më të fuqishëm në Parlamentin e ardhshëm”, ka thënë Limaj, shkruan Reporteri.net.

Lexo edhe:

Bogdanoviq: Kriminelët e Vuçiqit po i bëjnë presion serbëve në Kosovë

Edhe sot mot jostabil, diell e rrebeshe shiu

Ambasadori gjerman: S’mund të garantojmë se serbët do të marrin pjesë në zgjedhje

Postimi i tij:

Dje në vijat e frontit me luftë mbrohej liria, dinjiteti, krenaria dhe emri i UÇK -së, vlera të cilat u sulmuan nga forcat serbe, ndërsa sot, liria dhe UÇK-ja po sulmohet në mendjet dhe zemrat e qytetarëve tanë, prandaj ne jemi ata që jemi angazhuar dhe do të angazjohemi fuqishëm që të mos lejojmë të ndodh një sulm i tillë, që dëmton vendin dhe vlerat tona.

Në takimin e sotëm me kandidatët tanë për deputet theksova se është nder i madh për secilin nga 110 kandidatët e Nismës, të jenë kandidat për Parlament të Republikës së Kosovës, Republikës sonë që me mund e sakrificë është ndërtuar fal kontributit të shumë brezave.

Nuk ka gjë më të rëndësishme për ne, së sa të dalim të takojmë njerëz e të kërkojmë mbështetjen e bashkëluftëtarëve për të mbrojtur arritjen tonë më të madhe shekullore. Kosovën e lirë!

Objektivi ynë është që ne si Nismë të luftojmë që të fitoj kauza jonë, angazhimi ynë ditor është që të kemi një zë të fuqishëm për këtë kauzë, sepse me fitoren e kauzës sonë nuk fiton veç aktivisti ynë, por fiton çdo qytetar i Kosovës.

Ky është dallimi ynë me të tjerët, ne kemi dallime esenciale me të tjerët, sepse për ne trashëgimia jonë çlirimtare është themeli i shtetit të Kosovës. Ne duam që e vërteta e Kosovës të rikthehet fuqishëm në arenën politike, brenda dhe jashtë Kosovës, në agjendën diplomatike, ne asnjëherë nuk do të ndalemk së angazhuari për të vërteten dhe historinë tonë.

Çdo vajzë apo djalë që e ka pas të veshur uniformën e UÇK –së sot ndjenë dhimbje, sepse, fytyra e parë e UÇK-së Jakup Krasniqi është në Hagë. Sepse atje sot janë vet historia jonë, prandaj duhet të ngritemi fuqishëm, në mënyrë që vlerat tona kombëtare t’i mbrojmë me një zë sa më të fuqishëm në Parlamentin e ardhshëm!

Urime e suksese të përbashkëta.

Shpërndaje: