Pakënaqësitë në Listën Serbe sa i përket të zgjedhurve për të garuar në zgjedhjet lokale janë rritur.

Pasi kjo parti pati përçarje në Graçanicë e Novobërdë, tash telashe të këtij lloji ka edhe në Kllokot, shkruan Raporto.

Janë dy anëtarë të Listës Serbe, që do të garojnë në zgjedhjet e Tetorit, si kandidatë të pavarur për Komunën e Kllokotit.

Këta dy anëtarë janë, Strecko Spasic dhe Sasa Mirkovic.

Të njëjtit, në KQZ kanë dorëzuar kandidaturën për kryetar të Komunës Kllokotit dhe për Kuvendin Komunal.

Për përçarjet e Listës Serbe, një ditë më parë presidenti Aleksandër Vucic nga Serbia u ka bërë thirrje për unitet, pasi sipas tij interesat e serbëve ruhen vetëm në atë mënyrë.

Kujtojmw se Prokuroria Speciale e Republikës së Kosovës (PSRK), ka ngritur aktakuzë kundër kryetarit të Komunës së Kllokotit, Bozhidar Dejanoviq. “Prokuroria Speciale njofton se aktakuzën e ka ngritur kundër të pandehurit B.D, Kryetar i Komunës së Kllokotit, për shkak se është vërtetuar dyshimi i bazuar se ka kryer veprën penale “Cenimi i përcaktimit të lirë të votuesve’’ e paraparë dhe sanksionuar me nenin 210 të Kodit Nr. 06/L-074 Penal të Republikës së Kosovës”.