Mëngjesin e sotëm në rrugën Prishtinë-Gjilan, në afërsi të Liqenit të Badovcit ka ndodhur një aksident trafiku në mes dy automjetesh. Si pasojë e aksidentit kanë mbetur të lënduar tre persona.

Rastin për Reporterin e ka konfirmuar Zëdhënësja e Policisë së Kosovës për Rajonin e Prishtinës, Flora Ahmeti, ajo tutje ka thënë që me rastin po merret njësiti i trafikut.

“Rreth orës 11:00 në rrugën Prishtinë-Gjilan, saktësisht në afërsi të Liqenit të Badovcit, ka ndodhur një aksident trafiku mes dy automjetesh. Në këtë aksident lëndime trupore kanë pësuar tre persona. Të njëjtit janë dërguar për tretman mjekësor. Me rastin po merret njësiti i trafikut”, ka thënë Ahmeti.