Presidenti i SHBA-së, Joe Biden është takuar me zyrtarë të lartë ukrainas në Varshavë në ditën e fundit të udhëtimit të tij në Evropë, raporton CNN.

Ky është takimi i tij i parë ballë për ballë me zyrtarë të tillë të nivelit të lartë që kur forcat ruse filluan sulmet në Ukrainë.

Shtëpia e Bardhë njoftoi se do të ketë takim midis Sekretarit të Shtetit të ShBA-së Antony Blinken dhe Sekretarit të Mbrojtjes të ShBA-së, Lloyd Austin me homologët e tyre ukrainas, Dmytro Kuleba dhe Oleksii Reznikov.

Biden ndodhet në Poloni që nga e premtja dhe do të takohet edhe me homologun e tij polak, Andrzej Duda.

Më vonë, pritet që ai të mbajë një fjalim të madh rreth luftës në Ukrainë.

Disa thonë se fakti që ministrat ukrainas po largohen nga vendi i tyre është një shenjë e besimit të tyre në rritje për mënyrën se si po shkon lufta me Rusinë.