Ministri i Britanisë së Madhe për Evropë, Leon Docherty ka reaguar pas zhvillimeve të 27 shkurtit në Bruksel pas takimit të nivelit të lartë në mes të Kosovës dhe Serbisë.

Docherty ka thënë se Britania e Madhe mirëpret progresin në bisedimet e ndërmjetësuar nga BE-ja për marrëveshjen që shtron rrugën drejt normalizimit të raporteve.

Ai tutje ka thënë se hapat e radhët për planin e implementimit do të jenë vendimtar.
Siç ka shkruar Docherty lidershipi dhe fleksibiliteti janë kyç për një rezultat pozitiv.

“Britania e Madhe e mbështet plotësisht këtë proces”, ka shkruar ai.

Welcome the progress on EU-led talks between Kosovo and Serbia on agreement for the path to normalisation of relations.

Next steps to agree an implementation plan will be crucial – and leadership and flexibility the key to a positive outcome. ?? fully supports this process.

— Leo Docherty MP (@LeoDochertyUK) March 1, 2023

Kujtojmë se Kryeministri i Kosovës, Albin Kurti, dhe presidenti i Serbisë, Aleksandër Vuçiq, u pajtuan të hënën në Bruksel për ta çuar para procesin e dialogut përmes pranimit të propozimit të Bashkimit Evropian, ndonëse i njëjti nuk u nënshkrua nga të dy liderët.

Takimi i radhës i Nivelit të Lartë është paraparë të zhvillohet më 18 mars në Shkup të Maqedonisë së Veriut. Ndërmjetësues do të jetë Komisioneri Evropian për Politikë të Jashtme i BE-së, Josep Borrell. /Reporteri.net/