Partitë opozitare në Prizren kohëve të fundit e kanë kritikuar jo pak kryetarin Mytaher Haskuka për keqqeverisje.

Opozita i ka drejtuar gishtin pushtetit aktual të VV-së në Prizren, se po qeverisë edhe me drejtor që kanë aktakuza të ngritura.

Kryetari Mytaher Haskuka ka thënë se janë dy drejtor që ndaj tyre është ngritur aktakuzë.
“Janë insinuatë, të gjitha procedurat që bëhen në komunë respektohet ligji për prokurim publik,. Në asnjë rast deri tani nuk është ndonjë drejtor i dënuar gjatë qeverisjes time. Kallëzime penale shumë, aktakuza dy raste, në Drejtorinë e Arsimit, është banal aktakuza e ngritur për (mos) deklarimin e pasurisë, edhe pse e ka dërguar deklarimin e pasurisë me kohë vitin e kaluar, nuk e di qysh kanë pasur probleme me i marrë. Qëllimi ka qenë të vendoset titulli “Aktakuzë ndaj drejtoreshës së Mytaher Haskukës”, ka thënë Haskuka në REPORTERI n’Komuna.

I pyetur për zgjedhjen e drejtorëve, ai ka thënë se disa i ka zgedhur personalisht, kurse disa të tjerë i janë sugjeruar.

“Disa drejtorë i kam zgjedhur vet, disa i kam marrë me sygjerime. Unë nuk mund t’i njoh të gjithë ata që janë më të mirë, kur je në parti, duhesh me pas një lloj kompromisi dhe një lloj debati”, ka deklaruar ai.

/Reporteri.net/