Albin Kurti me ekipin e tij ishte në emisionin e Jeta në Kosovë përballë Jeta Xharrës për të shpalosur programin e tij qeverisës.

Kandidati i Vetëvendosjes për kryeministër u zu ngushtë nga moderatorja në lidhje me rastet korruptive të Agim Bahtiri në Mitrovicë dhe të Mytaher Haskuka në Prizren.

Ajo ia përmendi konkretisht futjen në punë jashtëligjshëm dhe mbajtjen në punë jashtëligjshëm që Bahtiri iu bën disa personave të afërm, shkruan Periskopi.

Po ashtu, Xharra ia përmendi mos-shkarkimin e një drejtori në Prizren që është i dënuar me kusht për korrupsion.

Kurti deklaroi që për këto çështje do të ishte mirë të pyetej Haskuka, pa ditur se si të përgjigjej në pyetje. Por, Xharra insistoi duke i thënë që “jeni ngulmues në luftën kundër korrupsionit, dhe se Haskuka është pjesë e partisë suaj”.

Pa ditur se si të përgjigjet, ai thjesht deklaroi se “nuk e dinte se kush kujt i rrinte afër”.