Partia Demokratike e Kosovës ka bërë të ditur agjendën që kanë për sot, në kuadër të ditës së tretë të fushatës zgjedhore.

Përmes një njoftimi drejtuar mediave, është bërë e ditur se agjenda e kandidatit për kryeministër nga kjo parti, Kadri Veseli, fillon nga ora 14:00.

Tubimi i parë do të bëhet me qytetarët e Komunës së Shtërpcës.

Pastaj nga ora 15:30, me qytetarët e Hanit të Elezit.

Pas Hanit të Elezit, PDK do të mbajë tubim në Komunën e Kaçanikut prej orës 16:30.

Prej orës 18:00, ndërkaq do të ketë tubim me qytetarët e Ferizajt, derisa në orën 19:30 tubim në Shtime.