Presidenti i vendit, Hashim Thaçi nuk po mund të distancohet tërësisht nga partia që për shumë vite e kishte udhëhequr, shkruan Reporteri.net.

Ai gjatë ditës së sotme është takuar me disa pjesëtarë të Rinisë Demokratike të Kosovës.

Në foton e publikuar nga Kryetari i Rinisë Demokratike të PDK-së, Donjet Bislimi, presidenti Thaçi shihet me gishtin lart, simbol ky i kësaj partie.

Ndryshe, Thaçi nga spektri politik opozitar në vend shpeshherë është akuzuar se ai vazhdon të jetë kryetari real i PDK-së, parti të cilën e kishte udhëhequr nga viti 1999 deri në vitin 2016 kur u zgjodh President i vendit. /Reporteri.net