Skenderaj pret bashkatdhetarët me aktivitete të shumta

Pa kategori

Skenderaj pret bashkatdhetarët me aktivitete të shumta

Reporteri

12 Korrik 2021 | 22:57

Kryetari i komunës së Skenderajt, Bekim Jashari ka njoftuar se nga data 16 korrik e deri me 16 gusht do të organizojmë për ju muajin e diasporës, me aktivitete të shumta kulturore, argëtuese e sportive.

Jashari ka shkruar në Facebook se pas një periudhe të vështirë pandemike, e cila pamundësoi ardhjen tuaj në vendlindje dhe pritjen dinjitoze për ju, këtë vit po e vazhdojnë traditën e pritjes me zemër për ju që mbani gjallë ekonominë, familjet dhe shtetin tonë.

“Në sheshin “Adem Jashari”, do të ofrojmë mbrëmje muzikore me këngëtarët më eminent të estradës sonë, në shenjë falënderimi e mirënjohje për bashkëqytetarët tonë që jetojnë në diasporë, për kontributin e jashtëzakonshëm dhënë në luftën tonë të përbashkët për liri e Pavarësi dje dhe rritjen e zhvillimit ekonomik të shtetit tonë sot. Mirë së vini diaspora jonë, Ju presim me zemër”, ka shkruar ai.