Një shqiptar në moshën 56 vjeçare ka mbetur i vdekur në zonën e plazhit të vjetër në Vlorë.

Nga të dhënat e deritanishme mësohet se viktima është shtetasi Stavri Mino, i cili është qëlluar në kokë me një levë hekuri dhe për pasojë të goditjeve ka ndërruar jetë.

Ngjarja ka ndodhur në afërsi të një lokali.

Ende nuk është mësuar shkaku i konfliktit me autorin, ndërkohë që në vendngjarje ka mbërritur policia.