Zyberaj: Shtetin e kemi, tash duhet ta ndërtojmë e zhvillojmë

Kandidati për deputet i AKR-së, që garon në listën e LDK-së, Jetlir Zyberaj ka takuar një grup të rinjsh. Ai ka thënë se në takim ka diskutuar për atë se si rinia, ky aset i çmuar i shoqërisë tonë, nuk është orientuar në kanalet e duhura të arritjes dhe realizimit profesional.



Postimi i tij i plotë:

Takim i vyer me të qytetarët e ndershëm të vendit, të cilët të fascinojnë me idetë e tyre për zhvillimet, politikën, të ardhmen dhe gjithçka lidhet me mirëqenien e Shtetit tonë.

Në takim diskutuam shumë për atë se si rinia, ky aset i çmuar i shoqërisë tonë, nuk është orientuar në kanalet e duhura të arritjes dhe realizimit profesional.

Pata rastin të shpalosë para tyre edhe një pjesë të shkurtër të programit politiko-ekonomik të AKR-së e LDK-së që në qendër ka pikërisht adresimin e shqetësimeve dhe kërkesave të tyre të drejta.

Shtetin e kemi. Tash duhet ta ndërtojmë e zhvillojmë.

Kjo është e domosdoshmja e së ardhmes tonë.

Këtë domosdoshmëri e jetësojnë SHTETndërtuesit.