Një 60-vjeçar ka humbur jetën në mënyrë tragjike të shtunën në Tiranë.

Sipas policisë, i ndjeri derisa po lëvizte me biçikletë u rrëzua dhe nga dëmtimet e rënda që mori vdiq në spital.

“Më datë 14.06.2025, në rrugën “Shefqet Ndroqi” dyshohet se është rrëzuar biçikleta në të cilën lëvizte shtetasi F. T., 60 vjeç, i cili ka pësuar dëmtime të rënda dhe për pasojë ka humbur jetën në spital. Punohet për sqarimin e rrethanave të rastit”, njoftoi policia.