Përfaqësuesja e Kosovës në futboll e fitoi të enjten mbrëma ndeshjen kundër Sllovakisë me rezultat 4:3 për të arritur në finale të plejofit kualifikues për Kupën e Botës 2026.

Për këtë rezultat historik, Kombëtarja e Kosovës do të shpërblehet me 500 mijë euro, shkruan Reporteri.net.

Ky zotim është bërë nga Kryeministri Albin Kurti, në nëntor të vitit të kaluar.

E sot, Ministri i Financave, Hekuran Murati ka njoftuar se vendimi për ndarjen e shpërblimit prej 500 mijë euro për fitoren e mbrëmshme të Dardanëve  do të miratohet të hënën, në mbledhjen e Qeverisë.

“Mirëmëngjes fitues!Me kërkesë të Kryeministrit, vendimin për ndarjen e shpërblimit prej 500k euro për fitoren e mbrëmshme të Dardanëve do ta kemi gati për miratim të hënën në mbledhje të Qeverisë”, ka shkruar Murati.

E në rast të kualifikimit për Kupën e Botës, Kurti kishte premtuar 1 milionë euro tjera.

Fitorja ndaj Sllovakisë është arritja më e madhe deri më tani për Kosovën.

Finalen për një biletë për Botërorin që mbahet këtë vit në SHBA, Meksikë dhe Kanada, Kosova e luan të martën në stadiumin “Fadil Vokrri”, në Prishtinë.

Përballë do ta ketë Turqinë, e cila po të enjten mposhti Rumaninë në Stamboll me rezultat 1:0./Reporteri.net/