Grupimi i tifozëve të Shkëndijës së Tetovës janë nisur drejt Durrësit për të sjellë ndihmat e para për familjet e prekura nga tërmeti shkatërrimtar i së martës.

Në një status në rrjetet sociale, Ballistët njoftojnë se janë nisur drejt Durrësit, teksa falënderojnë qytetarët e Tetovës për solidaritetin.

“Aksioni i parë! Mjetet e dërguara në Durrës Faleminderit për zemrën e madhe Tetovë” shkruan grupimi në “Facebook”.

Një tërmet prej 6.4 ballë të shkallës Rihter goditi vendin tonë mëngjesin e së martës. Numri i viktimave vijon të rritet nga minuta në minutë, e deri më tani raportohet për të paktën 37 viktima e 650 të plagosur.