Albin Kurti ka thënë se Këshilli i Përgjithshëm i LVV-së e ka nominuar atë si kandidat për kryeministër nga LVV në zgjedhjet e 14 shkurtit.

Kurti ka thënë se është nder e përgjegjësi ta përmbush këtë vullnet. Ai ka thënë se është bartës i listës.

“Bartës i listës jam unë”, ka thënë Kurti.

Numër dy në listë është Vjosa Osmani, ushtruesja e detyrës së presidentes së Kosovës. Kurti ka vazhduar me prezantimin e deputetëve.

Sot KQZ-ja ka certifikuar listat e partive politike për zgjedhjet e 14 shkurtit, ndërsa në listën e VV-së mungon emri i Albin Kurtit, meqë atij iu pamundësua kandidimi me vendimin e Gjykatës Kushtetuese.