Kylian Mbappe është prezantuar para 80 mijë tifozëve që janë mbledhur në stadiumin “Santiago Bernabeu” në ceremoninë e organizuar për sulmuesin francez.

“Ky është klubi më i madh në botë. Dua të fitoj, dua të jem pjesë e historisë së këtij klubi. Hala Madrid”, ka thënë Mbappe gjatë prezantimit.

Ndërkaq, një dokumentar i shkurtër është transmetuar në stadiumin “Santiago Bernabeu” para se Kylian Mbappe të prezantohet me fanellën e Real Madridit.

Mbappe ka nënshkruar kontratën deri në verën e vitit 2029. Me këtë kontratë ai pritet të fitojë 150 milionë euro.

25-vjeçari francez do të mbajë fanellën me numrin 9, të cilën e mbajtën legjendat si Ronaldo i vjetër, Cristiano Ronaldo dhe së fundmi edhe Karim Benzema.

Kylian Mbappé entre dans le Stade Santiago-Bernabéu ! pic.twitter.com/wUTVYhnc5i

— la chaine L’Équipe (@lachainelequipe) July 16, 2024