Ambasada e Zvicrës në Kosovë ka shkruar një mesazh falënderimi për anësorin Xherdan Shaqiri pas pensionimit të tij nga përfaqësuesja e Zvicrës.

Ambasada e ka cilësuar Shaqirin si simbol të krenarisë zvicerane dhe kosovare.

“Sot shprehim mirënjohjen tonë për Xherdan Shaqirin për kontributin e tij të jashtëzakonshëm për ekipin kombëtar të Zvicrës dhe që ka qenë simbol i krenarisë zvicerane dhe kosovare”, thuhej në këtë mesazh.

“Me 125 paraqitje dhe momente të paharrueshme, Shaqiri na ka frymëzuar të gjithëve. Karriera e tij, e mbushur me gola të mahnitshëm dhe qëndrim të pashoq, ka sjellë gëzim dhe krenari te fansat e futbollit, sidomos për të rinjtë që e pëlqejnë atë. Faleminderit Xherdan, për krejt kujtimet dhe për performancën tënde të jashtëzakonshme gjatë viteve”, ka shkruar Ambasada zvicerane në Kosovë.