Nga lodrat, dronët  shumë shpejt janë bërë një mjet i pashmangshëm kur bëhet fjalë për të kapur pamje dhe fotografi nga ajri.

Dronët gjithashtu përdoren edhe në ushtri, industri dhe bujqësi, madje ekzistojnë edhe gara sportive të dronëve. Natyrisht, mundësitë e tilla gjithashtu hapin mundësinë e keqpërdorimit të tyre. Këto fluturake po bëhen gjithnjë e më të lirë dhe me më shumë mundësi për vetë-fluturim dhe drejtim, transmeton Reporteri.net

Shumë shtete e kanë të kufizuar me ligj vendin ku mund të manovroni me dron, si dhe lartësinë e fluturimit të tyre, madje në shumë qytete janë të ndaluar plotësisht.

Kompania “Fortem Technologies” ofron Dronin Hunter (gjuetari), një dron që ka aftësi autonome robotike. Ky dron ka një sistem të radarit të quajtur True View dhe mund të evidentojë avionë të padëshiruar gjatë fluturimit. Droni Hunter  përdor inteligjencën artificiale dhe mund të “gjuajë” në mënyrë të pavarur aeroplanë të tjerë, dhe gjithashtu mund të përdorë edhe rrjetën për t’i kapur. Gjithashtu, edhe piloti në terren mund ta drejtojë manualisht dronin Hunter tek “armiku”. /Reporteri.net