Microsoft ka punësuar bashkë-themeluesit e OpenAI, Sam Altman dhe Greg Brockman për të drejtuar një “ekip të ri të avancuar të kërkimit të AI”.
Kështu ka bërë të ditur të hënën shefi i konglomeratit të softuerit Satya Nadella, duke mbyllur një diskutim intensiv treditor pas vendimit të papritur të bordit të OpenAI për të shkarkuar Altman.
Shumë anëtarë të OpenAI, përfshirë bashkëthemeluesin Brockman, u larguan nga firma në shenjë proteste javën e kaluar.
Nadella tha se Altman dhe Brockman do të bashkohen nga “kolegë”, duke sugjeruar se Microsoft po punëson gjithashtu shumë njerëz të tjerë që u larguan nga OpenAI gjatë fundjavës.
“Ne mezi presim të lëvizim shpejt për t’u siguruar atyre burimet e nevojshme për suksesin e tyre”, tha Nadella, në atë që shumë sipërmarrës të teknologjisë e etiketuan si një shembull të “ekzekutimit të jashtëzakonshëm”.
Nadella, firma e së cilës ka investuar mbi 10 miliardë dollarë në OpenAI, tha se prodhuesi i Windows mbetet i përkushtuar ndaj startup-it.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.