Enver Hoxhaj, kandidat për kryeministër nga PDK ka adresuar kritika ndaj Albin Kurtit, kandidat për kryeministër nga Vetëvendosje.

Ai ka thënë se Kurti nuk e dëshiron pushtetin, dhe sipas tij asnjëherë nuk e ka dashur.

Hoxhaj ka thënë se vetëm me të kryeministër, qeveria mund ta çojë mandatin deri në fund, kurse sipas tij me Kurtin ka pasiguri totale.

“Vendit i duhet qartësi dhe qytetarët duhet të dijnë kush është adresa para se të shkojnë të japin votën e tyre. Me Kurtin është një pasiguri totale, me mua kryeministër qeveria zgjatë deri më 2025. Në pikëpamjen time, Kurti nuk e do pushtetin, nuk e ka dashur asnjëherë pushtetin”, ka deklaruar Hoxhaj në Kanal10, shkruan Reporteri.net.

Hoxhaj e ka lënë të hapur mundësinë e bashkëpunimit me VV-në pas zgjedhjeve, por vetëm nëse ai është kryeministër.

Ai ka pohuar se mund të bashkëpunojmë me secilin subjekt politik, dhe se nuk kanë vija te kuqe me asnjë subjekt politik. /Reporteri.net/.