Kryeministri në detyrë, Ramush Haradinaj, ka kujtuar Ismail Qemalin në përvjetorin e vdekjes së tij.

Në llogarinë e rrjetit social Facebook, ai shprehet se zemra e Ismail Bej Vlorës rreh në secilin prej nesh.

“Kur përmendet emri i tij, kujtojmë Plakun me flamur në dorë. Ismail Bej Vlora nuk ishte vetëm burrë shteti. Ai ishte Themelues i Shqipërisë. Zemra e tij e madhe pushoi së rrahuri 101 vite më parë, por ajo rrah në secilin prej nesh. Lavdi!”, ka shkruar Haradinaj, ku postoi edhe një fotografi të heroit në fjalë.